Maine toh thodi si khushi maangi thi,
Tumne toh chappar hi faad di,
Maine toh aasuon se rajaa maangi thi,
Tumne muskurahaton mein aad di.
Maine maangi thi ek saheli,
tumne toh dostiyon ka samaa baandh diya,
Main mela dekhna chaahti thi,
tumne saath caravan de diyaa.
Main chaahti khidki khol kar jhaankna,
tumne toh aasma mein basera hi de diya,
Maine chahaa tha ek kadam badhoon,
tumne toh daudne ki raftaar de di.
Main aankhon ko kholna chahti thi,
tumne toh paardarshita hi de di,
Main sapno mein rolna chaahti thi,
tumne sapno se sundar haqiqat de di.
Kitne chote armaanon ko,
tumne kitna zyaada aadar diya,
Na jaane kitne janamon ki khushiyo ko,
ek pal mein hi utaar diya!
No comments:
Post a Comment